Kylian Mbappé nuk do të jetë kapiteni i PSG-së këtë sezon. Edhe pse një nga objektivat e sulmuesit ishte të merrte drejtimin e skuadrës pariziene, skuadra ka dhënë verdiktin përfundimtar dhe ka zgjedhur Marquinhos si bartës të shiritit.
Në një votim të dytë, që u zhvillua këtë të martë, i pari të premten e kaluar, braziliani u emërua kapiten i ekipit dhe zgjidhi një debat që kishte bërë pak bujë në Paris. Votimi i dytë u zhvillua të martën përmes fletëvotimeve private në të cilat secili lojtar zgjidhte një kapiten.
Marquinhos mbizotëroi në votimin final ndaj Verrattit, i cili nuk është në planet e Luis Enrique. Mbappe ishte i treti i preferuar në ekip, një dëshmi e qartë se ai nuk e ka më popullaritetin që kishte sezonin e kaluar. Marquinho kishte fituar në votimin e parë, që u zhvillua të premten e kaluar, por informaliteti i aktit nuk ishte pranuar nga drejtuesit e PSG-së.
Tani duhet të dimë se çfarë pozicioni zë Mbappé brenda skuadrës. Luis Enrique konfirmoi se nuk do të merrte pjesë në zgjedhjen e kapitenit, edhe pse Marquinhos ishte kapiten i Galtier dhe Pochettino dhe lidershipi i tij në kryeqytetin francez nuk vihet në dyshim.
Zgjedhja ose jo e Mbappe si kapiten nuk duhet të ketë ndikim apriori në të ardhmen e tij. PSG vazhdon të përpiqet ta sjellë atë më pranë rinovimit të tij. Në Paris ka një qetësi të moderuar, në të cilën tashmë e marrin të mirëqenë se do të vazhdojë edhe këtë sezon.
