Presidenti rus Vladimir Putin ka përgëzuar Indinë për një arritje “mbresëlënëse” për uljen e sondës së saj në Hënë, disa ditë pasi vetë misioni i Moskës u rrëzua.
Putin i dërgoi “urimet e tij të përzemërta” kryeministrit indian Narendra Modi, sipas faqes së internetit të Kremlinit.
“Ky është një hap i madh përpara në eksplorimin e hapësirës dhe natyrisht një dëshmi e përparimit mbresëlënës të bërë nga India në fushën e shkencës dhe teknologjisë”, thuhet në deklaratën e Kremlinit.
India bëhet vendi i katërt që ul me sukses një anije kozmike në Hënë, po i pari që prek polin jugor hënor relativisht të paeksploruar.
