Trajneri i Partizanit, Zoran Zekic, ka folur në konferencën pë shtyp në Kazakistan përpara sfidës ndaj Astanas, pasditen e nesërme në orën 16:00, e vlefshme për turin e tretë të Conference League.
A do të cilësohej si tragjedi humbja ndaj Astanas?
Ne kishim të njëjtën situatë para ndeshjeve me klubin nga Andorra. Por futbolli është futboll. Astana është favorite nesër, por unë shpresoj që skuadra jonë të paraqitet më mirë.
Astana, një kundërshtar shumë më i fortë se të mëparshmit. Është në dijeni Partizani për këtë?
Po, sigurisht. Por edhe ndeshjet tona të fundit me Valmieran nuk ishin të lehta gjithashtu.
Çfarë mund të veçoni te Astana?
Unë njoh Marin Tomasov pasi kam trajnuar në Kroaci dhe kam kryqëzuar rrugët me të. Unë njoh gjithashtu edhe Lonçar dhe portierin Çondriç. Nesër, gjëja më e rëndësishme për ne është që të luajmë si skuadër.
Astana është e fortë në shtëpi ndërsa jashtë mundet. Si do të luajë skuadra juaj nesër, futboll ofensiv apo defensiv?
Udhëtimi ishte i gjatë dhe i lodhshëm. Nesër ne duhet të luajmë me përqendrim dhe qetësi. Astana ka eksperiencë të gjerë në Europë. Më duhet edhe të përmend tapetin e veçantë që ka në stadiumin e Astanës.
Lojtarët e rinj janë një avantazh për ju? Pasi ata janë të uritur për fitore dhe do të bëjnë gjithçka për të arritur fazën në grupe për herë të parë…
Ne nuk kemi shumë eksperiencë në kompeticionet europiane, por ka me të vërtetë shumë motivim. Për fat të keq, nuk mund të vrapoj në fushë të ndihmoj lojtarët, por ne jemi të përgatitur mirë dhe unë shpresoj që skuadra të bëjë mirë.
A keni konsultuar me mbrojtësin Atanaskoski, i cili ka luajtur më parë në kampionatin e Kazakistanit?
Ai nuk erdh pasi ka marrë kartonë të verdhë. Unë njoh mjaftueshëm rreth Astanas, sidomos për faktin se kam ndjekur ndeshjet ndaj Dinamo Zagreb dhe Ludogorets.
Dje në aeroport, skuadra u takua me disa tifozë të rinj të Partizanit, të cilët kishin përgatitur edhe parulla për lojtarët. A jeni përballur herë të tjera me këtë fakt që në vende të tjera të ketë tifozë që ju mbështetin?
Partizani është një klub i madh, shumë persona mbështetin ekipin tonë, sidomos në Shqipëri. Do të vini dhe shihni stadiumin tonë, se si tifozët tanë e mbështetin ekipin. Fakti që ata janë të “sëmurë” pas ndesh, është absolutisht normale.
