Starti i sezonit të ri futbollistik, ka sjellë dhe nisjen e incidenteve mes tifozerive, pjesës më të pandarë të këtij sporti kaq të ndjekur jo vetëm në ishull, por në mbarë botën.
Pamje të dhunshme janë regjistruar këtë fundjavë në Westhoughton, Greater Manchester, pas ndeshjes Bolton-Wigan Athletic, e cila përfundoi me rezultatin 4-0.
Tifozeritë e dy ekipeve janë përplasur me njëra-tjetrën në fund të takimit, ku nuk kanë munguar shkelmat, grushtet dhe sendet e forta.
Deri në këto momente raportohet për një person të plagosur, i cili është dërguar në spital, ndërkohë që policia ka nisur hetimet.
