Dhjetëditëshi i fundit i gushtit do të rikthejë në Itali një valë të të nxehtit ekstrem, me temperature që arrijnë deri në 40 gradë Celcius.
Temperaturat e larta po prekin pjesën më të madhe të vendit, por nuk përjashtohen stuhitë në Veri.
Sakaq, alarmi i kuq i nxehtësisë është lëshuar sot në Firence, Bolonja, Peruxhia, Bolzano dhe Breshia.
Nuk përjashtohen nga vala e të nxehtit as Roma, Latina, Verona, Rieti, Frosinone dhe Campobasso, ku autoritetet kanë lëshuar alarmin portokalli.
Një alarm portokalli është në fuqi edhe për Lombardinë për shkak se priten stuhi shiu, ndërsa në Trentino pati përmbytje ditën e djeshme.
Sipas parashikimeve të motit, anticikloni “Nero” pritet të rrisë temperaturat deri në 40 gradë Celsius, si në dy valët e para të të nxehtit muajin e kaluar.
