Gjatë orëve të natës një vatër zjarri në fshatin Labovë, Gjirokastër, ka rrezikuar të dëmtojë banesat.
Flakët fillimisht janë shfaqur rreth orës 22.30 në një kullotë, në rrethinat e fshatit për tu përhapur më pas më një sipërfaqe të gjerë. Afërsia me banesat e fshatit bënte që zjarri të rrezikonte edhe banorët.
Pavarësisht terrenit të thyer dhe malor, përgjatë gjithë natës efektivat e Shërbimit Zjarrfikës, bashkisë dhe banorë të zonës kanë ndërhyrë për lokalizimin dhe shuarjen e zjarrit.
Rreth orës 04:00 të së mërkurës është bërë e mundur shuarja e plotë e kësaj vatre zjarri dhe evitimi i rrezikut për banorët e zonës së Odries.
Vijon puna për zbardhjen e shkaqeve të zjarrit.
