Pesë persona janë arrestuar në Tiranë mbrëmjen e sotme në një aksion të policisë, që ka çuar në zbulimin e 10 mijë dozave të gatshme për tu shitur në rrugët dhe klubet e natës në kryeqytet.
Hetimet kanë nisur 5 muaj më parë dhe operacioni është në vijim.
Po ashtu mësohet se droga sintetike sapo kishte mbërritur në kryeqytet dhe ishte destinuar për tregun e brendshëm.
Lënda narkotike vinte në vendin tonë nga Kosova dhe shitej kryesisht në zonën e ish-Bllokut dhe lokalet e natës.
Sipas përllogaritjeve, një dozë shitej me çmime nga 30 deri në 50 euro. Nëse e gjithë sasia e ekstazisë që është sekuestruar do të dilte në treg, do të kapte vlerën e rreth 500 mijë eurove.
Sa i përket të arrestuarve, mësohet se 3 prej tyre janë shqiptarë dhe 2 të tjerë nga Kosova.
