Vajza që shihni në fotot e mësipërme është noterja Sanja Telhallari, të cilës tentuan t’i grabisnin mjetin luksoz tip “Mercedes-Benz G-Class” në zonën e Astirit në Tiranë, paraditen e kësaj të hëne, rreth orës 11:10.
Autori, i cili tentoi grabitjen, është shtetasi D. S., 28 vjeç, banues në Tiranë, i cili u vu në pranga nga Policia. I riu mori nga tavolina e zyrës së saj, çelësat e noteres dhe nxitoi të grabiste G-Classin. Noterja Telhallari, bashkë me bashkëshortin e ndoqën dhe e ndaluan teksa ai ishte në timon. Por, 28-vjeçari refuzoi të dilte nga mjeti.
Në momentin e mbërritjes së Policisë, ai hapi derën e makinë dhe goditi me shuplakë noteren Telhallari në sy të efektivëve. Autoritetet bën me dije dhe se gjatë kohës së ndërhyrjes së efektivëve, i riu ka kundërshtuar më dhunë dhe goditur punonjësit e Policisë, për shkak të detyrës.
Gjithashtu, 28-vjeçari, ditën e sotme, ka kanosur nëpërmjet telefonit, një tregtar makinash në Vorë, për t’i marrë atij një automjet.
Nuk dihet nëse i riu ka tentuar të vjedhë një makinë çfarëdo, apo kishte piketuar me qëllim makinën e noteres, për shkak të një konflikti. Noterja Telhallari është e njohur edhe në media. Ajo ftohet shpesh herë në studio televizive për të dhënë opinionin e saj në lidhje me tema të caktuara.
Pamjet e publikuara nga JOQ:
View this post on Instagram
