Një tragjedi është regjistruar në Greqi, pasi ka humbur jetën një gazetar 37-vjeçar, për shkak se apartamenti ku ai banonte në Atika të Athinës.
Viktima është shtetasi Antonis Chrysoulakis, teksa lajmin për ndarjen nga jeta të tij e kanë konfirmuar të afërmit dhe kolegët e tij në gazetën “Parapolitika” ku punonte. Mediat greke raportojnë se zjarri fillimisht kishte rënë në kuzhinën e banesës, por nuk është përcaktuar ende çfarë e shkaktoi.
Pak para vdekjes së tij të parakohshme, ai sapo kishte mbaruar një raportim për një zjarr në një ndërtesë në Athinë në gazetën ku punonte.
Trupi i pajetë i gazetarit Antonis Chrysoulakis është pritur nga një ambulancë e EKAV.
Antonis ishte një nga redaktorët më të mirë të kronikës së brezit të ri të gazetarëve, me raportime ekskluzive dhe informacione faktike.
Humbja e tij përcolli pikëllim të papërshkrueshëm në të gjithë stafin administrativ, gazetaresk dhe teknik të grupit Parapolitika, të cilët i shprehin ngushëllimet më të thella familjes së tij.
