Djegia e një makine tip “Benz” në lagjen “Apollonia” të Fierit në orët e para të mëngjesit ka bërë që disa automjete të tjera në seri të përfshihen nga flakët.
Sipas policisë të paktën tre mjete të tjera që ishin parkuar pranë makinës që shpërtheu e para në flakë, janë djegur plotëësisht ose pjesërisht.
Mjetet zjarrfikëse kanë shkuar menjëherë në vendngjarje duke bërë të mundur shuarjen e flakëve, pasi përveç automjeteve të parkuara janë rrezikuar edhe banesat aty pranë.
Njoftimi i policisë:
Rreth orës 03:20, në lagjen “Apollonia”, Fier, automjeti tip “Benz”, në pronësi të shtetasit N. B., i parkuar, dyshohet për shkaqe elektrike, ka marrë flakë.
Si pasojë është djegur edhe automjeti tip “Nissan” në pronësi të shtetasit M. B., automjeti tip “Volksëagen”, në përdorim nga shtetasi A. P. dhe është djegur pjesërisht automjeti tip “Volksëagen” në pronësi të shtetasit M. Gj., të cilat ishin parkuar afër këtij automjeti.
Grupi hetimor po punon për sqarimin e rrethanave të ngjarjes.
