Një aksident i rëndë është shënuar në orët e vona të mbrëmjes së djeshme në Korçë.
Mjeti që drejtohej nga një vajzë është përplasur me një tjetër makinë të parkuar në rrugë, duke bërë që të dyja të shpërthejnë në flakë.
Ngjarja ndodhi rreth orës 23:25, në lagjen nr. 4 të qytetit juglindor.
“Shtetësja me inicialet M. Ç., duke drejtuar automjetin tip “Volkswagen”, dyshohet se ka humbur kontrollin mbi drejtimin e tij dhe është përplasur me automjetin tip “Benz”, të parkuar në rrugë.
Si pasojë e përplasjes, të dyja automjetet kanë marrë zjarr. Shërbimet e zjarrfikëses në vendngjarje, bënë të mundur shuarjen e zjarrit. Drejtuesja e automjetit shtetasja M. Ç., u dërgua për ndihmë mjekësore në spitalin e Korçës, ku ndodhet jashtë rrezikut për jetën”, sqaron policia.
Grupi hetimor po punon për sqarimin e rrethanave të aksidentit.
