Personi që shihni në fotot e mëposhtme është 21-vjeçari Hamit Senka nga Roskoveci, i cili humbi jetën tragjikisht mesditën e sotme, duke u mbytur në kanal në fshatin Pojan të Fierit.
I riu ka qenë duke peshkuar me shokët, kur ka rënë brenda kanalit dhe nuk ka mundur të dalë më. Kanë qenë shokët e tij që kanë njoftuar për zhdukjen e 21-vjeçarit, teksa ende nuk është gjetur trupi i tij.
Në vendin e ngjarjes ka mbërritur policia e Fierit si dhe forcat zjarrfikëse dhe po kontrollohet e gjithë gjatësia e kanalit, por nuk ka shenja nga i riu. Grupi hetimor po punon për zbardhjen e plotë të rrethanave të ngjarjes.
