Një shtetase italiane e cila ishte bllokuar prej 12 orësh në një shpellë në Karaburun është shpëtuar ditën e sotme.
Mësohet se turistja ishte bllokuar në afërsi të vendit të quajtur “Qafa e Petrunës”, teksa ishte duke eksploruar zonën. Fatmirësisht ajo ndodhet në gjendje të mirë shëndetësore.
“Shërbimet e Stacionit të Policisë Orikum, menjëherë pas njoftimit nga një shtetas italian, se një shtetase italiane me të cilën ai po eksploronte zonën e Karaburunit, prej 3 ditësh, kishte mbetur afër një shpelle në këtë zonë pasi e kishte të pamundur lëvizjen për shkak të mungesës së ushqimit dhe ujit, kanë shkuar në këtë zonë, bashkë me shërbimet e repartit “Delta”.
Pas gati 12 orësh kërkime, bashkë me disa specialistë të zonave të mbrojtura dhe pjesëtarë të guidave turistike që njihnin zonën, në bazë të orientimit me hartë, nga turisti italian, është bërë e mundur gjetja e shtetases italiane, në afërsi të vendit të quajtur “Qafa e Petrunës”.
Turistja italiane mori ndihmën e parë mjekësore dhe ndodhet jashtë rrezikur për jetën”,– njofton Policia.
