Ylber Ramadani është zyrtarisht pjesë e Leçes në Serinë A italiane. Mesfushori i Kombëtares është prezantuar ditën e sotme me fanellën e klubit të ri, pasi ka firmosur kontratën me Leçen.
Mesfushori 27-vjeçar ka firmosur një kontratë 3-vjeçare me Leçen, teksa ka edhe opsionin e rinovimit për një tjetër sezon. Kalimi i tij nga Aberdini në Serinë A, u ndërmjetësua nga menaxheri Shkumbin Qormemeti në bashkëpunim me Altin Tahon, të cilët në vitet e fundit kanë bërë lëvizje të shumta të bujshme të futbollistëve shqiptarë.
“Leçe njofton se ka fituar në mënyrë përfundimtare të drejtat e regjistrimit të lojtarit Ylber Ramadani nga Aberdin. Mesfushori i lindur në vitin 1996 i kombëtares shqiptare, i cili tashmë ka kryer ekzaminimet mjekësore dhe ka nënshkruar një marrëveshje trevjeçare me opsion për atë të radhës”, shkruan klubi italian në zyrtarizmin e lojtarit.
