Gentian Selmani pritet të mungojë gjatë për Tiranën. Ndeshja e kthimit kundër Besiktas ka rezultuar fatale për portierin e afruar në këtë merkato vere te bardheblutë. Ai la takimin në minutën e 30-të pas një përplasje.
Për fatin e keq të tij, raportohet se mjekët kanë diagnostifikuar një thyerje të këmbës. Në këtë mënyrë, ai nuk do të jetë për një periudhë të gjatë me ekipin bardheblu. “Gardiani” do t’i nënshtrohet një ndërhyrje kirurgjikale dhe pritet që të jetë gati në fund të muajit dhjetor.
Fat i keq për Selmanin, por edhe për Tiranën që e afroi portierin në këtë merkato vere. Pritet të shihet se çdo të ndodhë në kampin bardheblu, nëse do t’i besojnë Ilion Likës apo do të futen sërish në merkato për të plotësuar vendin e lënë bosh nga Gentian Selmani.
