Një ngjarje e rëndë ka ndodhur paraditen e sotme në Durrës, ku një shtetas 52 vjeçar ka gjetur vdekjen pasi e kanë zënë poshtë disa pllaka mermeri.
Sipas njoftimit të policisë, nga kamioni me të cilin punonte shtetasi A. K., 52 vjeç, kanë rrëshqitur disa pllaka mermeri dhe e kanë zënë poshtë duke i shkaktuar vdekjen e menjëhershme.
“Rreth orës 11:30, në lagjen nr.15, dyshohet se nga kamioni me të cilin punonte shtetasi A. K., 52 vjeç, kanë rrëshqitur disa pllaka mermeri dhe e kanë zënë poshtë këtë shtetas, i cili si pasojë ka humbur jetën.”- njofton policia.
Grupi hetimor vijon të punojë për sqarimin e rrethanave të kësaj ngjarjeje.
