Një bandë kriminale shqiptare, që merrej me trafikimin e lëndëve narkotike është zbuluar nga autoritetet në Spanjë.
Mediat e huaja bëjnë me dije banda drejtohej nga dy shqiptarë, daja dhe nipi i tij, për të cilët kishte edhe një urdhër arresti ndërkombëtar nga Italia.
Ndërkaq gjatë katër kontrolleve që u kryen në Alicante, Altea dhe Castalla, organizata kriminale u çmontua. U arrestuan nëntë burra me kombësi shqiptare, greke dhe italiane, të moshës nga 21 deri në 58 vjeç . Gjithashtu, janë sekuestruar 2 armë zjarri, 1592 bimë marihuanë, 1005 euro para të gatshme, material për kultivim dhe 2 automjete të tipit të lartë .
Hetimet nisën në dhjetor të vitit të kaluar, kur Garda Civile mori informacion për praninë e një organizate kriminale me origjinë shqiptare të dedikuar për kultivimin e marijuanës në ambiente të mbyllura në provincën e Alicante . Menjëherë Postat kryesore të Gardës Civile të Ibit dhe Alteas, bashkërisht dhe për të konfirmuar informacionin e marrë, nisën operacionin Florenpapa-Scouts.
Burimi: Elespanol.com
