Një tjetër bastisje e përgjakshme e policisë u regjistrua sot në Brazil, me të paktën nëntë persona të vrarë gjatë një operacioni kundër tregtarëve të drogës në favela në Rio de Zhaneiro , thanë autoritetet.
Të paktën 33 persona janë vrarë tashmë në operacione të tjera policore në pesë ditët e fundit në vend, me 14 viktima në shtetin São Paulo (juglindje) dhe 19 në shtetin Bahia (verilindje).
Në Rio, të shtëna me armë shpërthyen në orët e para të mëngjesit në kompleksin Peña, një grup favelash që ndodhen në veri të qytetit.
Operacioni, i cili është ende në vazhdim, “ka për qëllim identifikimin dhe arrestimin e anëtarëve të organizatave kriminale, pas informacionit të marrë nga autoritetet se një takim i drejtuesve të këtyre organizatave po zhvillohet në zonë”, tha policia ushtarake .
Në vendngjarje, ekipet (policore) u sulmuan nga persona të armatosur me armë zjarri dhe shkëmbimi i zjarrit që pasoi la nëntë të vdekur, duke përfshirë dy të dyshuar si drejtues bande. Dy “të dyshuar” të tjerë janë plagosur.
