Rusia ka nisur stërvitjet e planifikuara në Detin Baltik, mes tensioneve në rritje me fqinjët e saj europianë rreth konfliktit në Ukrainë, raportojnë mediat e huaja.
“Stërvitjet detare të Ocean Shield-2023 kanë filluar në Detin Baltik”,- tha Ministria e Mbrojtjes në një deklaratë.
Rusia ka njoftuar se 30 luftanije dhe varka, si dhe 20 anije mbështetëse dhe avionë do të marrin pjesë në stërvitje, bashkë me 6.000 ushtarakë. Gjatë stërvitjeve, Marina do të praktikojë se si të mbrojë rrugët detare, të transportojë trupa dhe mallra ushtarake dhe të mbrojë vijën bregdetare, thuhet në deklaratë.
Burimi: The Moscow Times
