Përfaqësuesi ligjor e zgjedhor në PD-në e vulës, Indirit Sefa ka deklaruar se deri në orën 14:00 kanë votuar 11600 demokratë në farsën zgjedhore që po mban Lulzim Basha për t’u bërë sërish kryetar i PD-së së vulës.
Numri i dhënë nga grupi i Bashës, duket i fryrë, duke marrë në konsideratë pamjet e publikuara ku qendrat e votimit në gjithë Shqipërinë kanë qenë pothuajse bosh gjatë gjithë ditës.
“Deri në orën 14:00 kanë qenë 11600 votues që përkon me 44% të anëtarëve të PD në atë moment. Procesi ka qenë normal, të rregullt e shumë të qytetëruar. U shprehim falënderimet. Në bazë të vendimit të Kryesisë dhe të rregullores kemi përcaktuar edhe ata që se kanë emrin në listat e përgatitura. Këta anëtarë ja paraqisnin komisionin kartën e anëtarësisë dhe kalohet në një listë të posaçme. Pjesëmarrja është brenda pritshmërive duke patur parasysh periudhën kur zhvillohen këto zgjedhje.”– tha Sefa.
Këshilli Kombëtar i PD-së u mblodh online më 27 Korrik dhe e anuloi këtë farsë zgjedhore dhe grupi parlamentar bëri thirrje ditën e djeshme për t’u anuluar, por grupi i Lulzim Bashës duket se janë të bindur për ta çuar deri në fund misionin e tyre.
Në këto votime, PD e Bashës zvogëloi dhe numrin e anëtarësisë së PD-së në më pak se 1/3 krahasuar me zgjedhjet e fundit të vitit 2021 në PD, nga rreth 75 mijë anëtarë demokratë, në 25 mijë.
