Është mbyllur në barazim 1-1 miqësorja Skënderbeu-Dinamo.
Në stadiumin “Skënderbeu” në Korçë, të parët që kaluan në avantazh ishin “Blutë” që në minutën e 15-të të takimit
Gabim i mbrojtjes korçare dhe atje përfiton Denisson që shënoi pa probleme.
Në minutat e mbetura të fraksionit të parë të lojës vendasit kontrolluan tempin, ndërsa nuk i lanë hapësirë kundërshtarit, por që gjithsesi pa gjetur golin e barazimit.
E njëjta tablo edhe në pjesën e dytë me Skënderbeun që u shfaq më kërkues duke u shpërblyer vetëm në fundin e sfidës.
Pas një krosi nga largësia, Prenci, goditi me kokë duke barazuar rezultatin në 1-1.
Me këtë rezultat u mbyll edhe sfida, me të dy ekipet tani kanë fituar të drejtën për të luajtur në elitën e futbollit shqiptar dhe kanë nisur përgatitjet për të ndërtuar skuadra që të mos e diskutojnë më rikthimin në të Parën.
