Edhe këtë sezon veror, çmimet e larta janë kryefjala e pushuesve që zgjedhin bregdetin për të kaluar disa ditë, veçanërisht çmimet e shezloneve.
Situata më absurde është në Ksamil, aty ku dy shezlonge dhe një çadër varjojnë nga 30 euro deri në 200 euro. Sipas pronarëve të disa hoteleve, këto çmime po “tmerrojnë” pushuesit të cilët po largohen pasi e kanë të pamundur t’i përballojnë.
Janë disa pronarë të hoteleve në Ksamil të cilët janë ankuar në faqen lokale “Saranda web”, se po falimentojnë për shkak të këtyre çmimeve të larta. Ata bëjnë thirrje për ndërhyrje të menjëhershme.
Ja mesazhi i njërit prej tyre:
“Kam një bizens në Ksamil (Hotel) dhe po shohim dita ditës që largohen klient dhe turist të cilët ankohen çdo ditë për çmimin e çadrave. Po falimentojnë hotele, nuk ka më kërkesa edhe pse është mes i sezonit, sepse nuk përballojnë dot klientët çmimin e çadrave.
Ju lutem publikojeni që të merren masa sa më shpejt për uljen e çmimit. Bashkia të vej dorë sepse nuk mund të vendosi gjithsecili plazh çmimin në stratosferë.
Plazh publik s’ka janë të gjithë privatë dhe çmimet variojnë 30€ dhe më shtrenjtë. Nuk jam i vetmi biznes, janë shumë biznese që ngelen bosh çdo ditë dhe po falimentojnë. Ju lutem publikojeni dhe Bashkia të marrë masa sa më shpejt.”
