Portieri i PSG, Giggi Donnaruma rrëfen momentet e tmerrit në orën 3 të mëngjesit kur njerëz të armatosur dhe të maskuar hynë në shtëpinë e tij, lidhën atë dhe të fejuarën Alessia Elefante dhe u larguan me 500 mijë euro cash dhe bizhuteri.
“Të shikosh njerëz në shtëpi në orën 3 të natës është ndjesia më e keqe që mund të provosh. Mua më lidhën dhe mëgoditën ndërsa Alessian e detyruan të dorëzonte çdo send me vlerë të shtëpisë. Nuk mund të flas për detajet sepse po kryhen hetime. Frika ishte e madhe dhe shtohej sepse mendoja që mund t’i ndodhte diçka e keqe Alessias.
Unë isha i pafuqishëm sepse më kishin lidhur dhe nuk mund të bëja asgjë. Nuk e flas shumë mirë frëngjishten dhe e kisha të vështirë t’u shpjegoja se ku ndodheshin gjërat me vlerë. Alessia u tregoi gjithçka dhe ajo ka pësuar një traumë. Momente terrori dhe frike, sidomos për të sepse mund t’i bënin keq”. ka thënë portieri.
