Ndërsa rrezet e diellit po bëhen gjithmonë e më të forta në këto ditë vere, personat që kanë nishane janë në katergoritë më me risk.
Mjekja Afërdita Stroka pohoi për Oranews se rastet me shqetësime të kësaj natyre janë në rritje, ku një numër i lartë i pacientëve janë të rinj.
Afërdita Stroka, mjeke: “Nishanet dhe transformimi i tyre po vijnë duke u shtuar vit pas viti. Moshat e treta janë më të rrezikuara. Madje, po shtohen më shumë edhe moshat e reja”.
Pavarësisht se kujdesi duhet ndaj gjithë nishanëve, mjekja veçon një kategori si më problematike.
Afërdita Stroka, mjeke: “Pacientët vijnë me nishane që janë të ngritur mbi nivel të lëkurës, pra nishane që i kanë pasur gjatë gjithë jetës. Këto janë nishane të cilat kanë një rrisk shumë më të ulët në krahasim me nishanet që dalin më vonë gjatë jetës. Pra këto kanë një përqindje deri në 30 për qid që të mund të malinjizohen, ndërsa nishanet e dala rishtazi kanë një përqindje rreth 70 për qind që mund të malinjizohet gjatë jetës. Kështu që nishanet për të cilat duhet të kujdesemi më shumë nuk janë ato të ngritura mbi nivelin e lëkurës, por janë ato të rrafshëtat. Dhe ndryshimet janë ato që duhet të na ccojnë sa më shpejt tek mjeku”.
Sipas Strokës, ka disa faktorë që çojnë në irritimin e tyre
Afërdita Stroka, mjeke: “Si faktor madhor për transformin e nishaneve në medanonë është ekspozimi dhe rrezatimi i tyre në ultra-violetë. Megjithatë, janë disa faktorë: ato traumatikë, kimikë të ndryshëm, apo faktorë të tjerë të jashtëm të cilët duke pasur një frekuencë të shpeshtë mbi nishane mund të transformohen me kalimin e kohës”.
Mjekja apelon që në rastet kur nishani ndryshon ngjyrë, formë ose përmasa të kërkohet ndihmë mjekësore.
Afërdita Stroka, mjeke: “Mbajtja nën kontroll sipas rekomandimeve të mjekut bën që të parandalojnë dhe medalonën, pasi ajo është kanceri i lëkurës më agresiv”.
Këshillat vijojnë për ruajtjen nga dielli, konsumim të bollshëm të ujit dhe kontrolle të herë pas hershme për të shmangur ngjarje të padëshirueshme.
