Pasditen e djeshme është zhvilluar mbledhja e Këshillit Bashkiak të Kamzës, por me urdhër të kryetarit të bashkisë, Rakip Suli, mediat nuk janë lejuar të jenë të pranishme për të ndjekur nga afër punimet.
Në komunikimin e parë, sekretarja e Sulit ka njoftuar gazetarë që në mbledhjen e djeshme nuk mund të merrnin pjesë dhe duke i lajmëruar: “Hajde herën tjetër.” Ndërkohë, siç shihet dhe në një video të publikuar në rrjetet sociale, janë edhe persona të tjerë, të cilët ndalojnë gazetarin të futet brenda dhe tentojnë ta nxjerrin me dhunë jashtë. Pas pas sekondash, aty shfaqet dhe kryebashkiaku Rakip Suli, i cili shprehet se e do mbledhjen pa media sepse kështu “i donte qejfi”.
Siç duket, për 4 vite socialistët me Këshilla Bashkiak të njëanshëm u mësuan mirë duke miratuar vendime kundër interesit publik, dhe tashmë që kanë kundërshtarë, nuk lejojnë gazetarët që të shfaqin debatin mes tyre.
