Ka shkuar në dy numri i viktimave nga aksidenti tragjik i regjistruar mbrëmjen e djeshme në fshatin Fortuzaj të Tiranës, ku një mjet tip “Range Rover” ka rënë në humnerë.
Burime bëjnë me dije se ka ndërruar jetë edhe drejtuesi i mjetit, shtetasi Denis Çali, 33 vjeç. Ai u transportua me urgjencë në spital, por nuk ka arritur dot t’u mbijetojë plagëve të marra dhe ka ndërruar jetë disa orë më vonë.
Bashkë me të në mjet ishte dhe një person tjetër, shtetasi B. Gj., 26 vjeç, i cili ndërroi jetë në vend. Grupi po punon për sqarimin e rrethanave të aksidentit.
