Është ndarë nga jeta në moshën 82-vjeçare, Ilir Elini, portieri i njohur kampion i 17 Nëntorit të Tiranës, skuadrës legjendare të viteve 60-70.
Ilir Elini është ndarë nga jeta mbrëmjen e djeshme.
Pas lajmit që Elini është ndarë nga jeta kanë reaguar dhe disa ish-lojtarë të periudhës kur ka luajtur dhe portieri i 17 Nëntorit.
“Djalë i shkëlqyer, portier i mirë, pozicional. Më zëvendësoi mua kur ika ushtar.”- tha Bujar Tafaj.
“Në momentet më të mira të ngritjes së 17 Nëntorit lart, Ilir Elini ka qenë me ne!”– tha Luigj Bytyçi.
“Ka qenë djalë shumë shumë mirë! Ka qenë kampion me të rinjtë dhe me ne në sezonin 1964-1965.”- tha Niko Xhaçka.
Portieri legjendar e ka nisur pikërisht tek ekipi i Tiranës. Në katërkëndëshin e portës bardheblu ishtë padiskutim titullar si në ndeshjet e vogla dhe të mëdha. Ai ka qenë pjesë e ekipit bardheblu edhe në sezonin 1964-1965, kur 17 Nëntori u shpall kampion për hertë të parë, një titull historik.
