Kreu i grupit parlamentar të PD-së së Vulës, Gazmend Bardhi i bëri thirrje Kuvendit që të sjellë në seancën e sotme parlamentare kryeministrin Edi Rama, që të japë llogari për çështjen e inceneratorëve.
Bardhi pyet se ç’nevojë ka kryeministri Rama që fshihet pas Elisa Spiropalit, Olta Xhaçka, Ogerta Manastirliut apo edhe pas ministrave të tjerë.
Bardhi shtoi më tej se sot Ahmetajt i ka dalë rroga e deputetit, teksa ndodhet në arrati.
“S’ka asnjë nevojë për prezencë të Gardës në seancat plenare. Vetëm në një dosje ka dalë gjysma e qeverisë dhe e grupit tuaj parlamentar. Kemi dy orë që diskutojmë për një kërkesë procedurale. Çfarë nevoje ka kryeministri që të fshihet pas Elisës, Oltës, Ogertës, apo ministrave me radhë. Pse duhet të fshihet pas ministrave, pse duhet të fshihet pas kolegëve të tyre. Një pyetje i kemi bërë; ku fshihet zëvendësi i tij. Si ka mundësi? Kemi 3 njerëz në arrati. Sot Ahmetaj ka marrë rrogën. Ai ka marrë rrogën, merr 200 mijë lekë nga arratia. Kemi dy mafiozet në kërkim që marrim 80 mijë euro në ditë. Ai do vijë të japë llogari, këtu dhe merret me BE-në. BE e kapi dje në vjedhje. Ku vetëm sa ka prishur punë për Kosovën.”, tha Bardhi.
