Seancë “e nxehtë” sot, në Kuvend diskutime për “kanabisin” dhe studentët e Mjekësisë

Një seancë e “nxehtë” pritet që të jetë ditën e sotme në Kuvend, teksa deputetët do të mblidhen për të diskutuar për disa projektligje.

Një nga projektligjet që kalon për votim sot është dhe ai për studentët e mjekësisë, të cilëve do u mbahet diploma 5 vite dhe duhet të punojnë në vend. Shumë deputetë të opozitës janë shprehur kundër, madje duke thënë se në këtë mënyrë shkelen të drejtat e studentëve.

Në lidhje me këtë edhe vetë studentët sot kanë njoftuar protestë para Parlamentit. Një tjetër projektligj që ngjall debat është ai për “Për kontrollin e kultivimit dhe përpunimit të bimës se cannabis-it dhe prodhimit të nënprodukteve të saj për qëllime mjekësore dhe industriale”.

Rendi i ditës:

Mbledhjen e Kuvendit në seancë plenare në datën 20.7.2023, ora 10:00.

Rendi i ditës i seancës plenare është si më poshtë:

1. Miratimi i procesverbalit të seancës plenare të datës 6, 13 dhe 14 korrik.
2. Njoftime.
3. Raporti i veprimtarisë vjetore të Autoritetit të Komunikimeve Elektronike dhe Postare për vitin 2022. 4. Raporti i veprimtarisë vjetore të Kontrollit të Lartë të Shtetit për vitin 2022.
4. Raporti i veprimtarisë vjetore të Autoritetit të Mbikëqyrjes Financiare vitin 2022.
5. Akti normativ nr. 2, datë 7.6.2023 “Për disa shtesa në ligjin nr. 29/2023 “Për tatimin mbi të ardhurat”””.
6. Akti normativ nr. 3, datë 21.6.2023 “Për disa ndryshime në aktin normativ nr.1, datë 20.3.2019, të Këshillit të Ministrave “Për pjesëmarrjen e personelit të Forcave të Armatosura të Republikës së Shqipërisë në misionin e Kombeve të Bashkuara në Sudanin e Jugut (UNMISS)”, miratuar me ligjin nr. 23/2019″.
7. Akti normativ nr. 4, datë 21.6.2023 “Për pjesëmarrjen e personelit të Forcave të Armatosura të Republikës së Shqipërisë në misionin e Kombeve të Bashkuara në Abyei (UNISFA)”.
8. Projektligji “Për trajtimin e veçantë të studentëve që ndjekin programin e integruar të studimit të ciklit të dytë “Mjekësi e Përgjithshme” në institucionet publike të arsimit të lartë”.
9. Projektligji “Për kontrollin e kultivimit dhe përpunimit të bimës se cannabis-it dhe prodhimit të nënprodukteve të saj për qëllime mjekësore dhe industriale.
10. Projektligji “Për disa shtesa dhe ndryshime në ligjin nr.113/2020 “Për shtetësinë”””.
11. Projektligj “Për disa ndryshime në ligjin nr.9917, datë 19.5.2008, “Për parandalimin e pastrimit të parave dhe financimit të terrorizimit”, të ndryshuar”.
12. Projektligj “Për disa shtesa dhe ndryshime në ligjin nr.157/2013,”Për masat kundër financimit të terrorizimit”, të ndryshuar”
13. Projektligj “Për disa shtesa dhe ndryshime në ligjin nr.7703, datë 11.5.1993, “Për sigurimet shoqërore në Republikën e Shqipërisë”, të ndryshuar
14. Projektligji “Për administrimin e objekteve të konfiskuara si ndërtime pa leje, me qëllim përdorimin e tyre për interes publik apo strehim social, si dhe zbutjen e pasojave sociale te shkaktuara”.
15. Projektligji “Për një ndryshim dhe disa shtesa në ligjin nr. 9632, datë 30.10.2006, “Për sistemin e taksave vendore”, i ndryshuar.
16. Diskutime për çështje jashtë rendit të ditës.

Ngarkohen shërbimet e Kuvendit për publikimin e rendit të ditës të seancës plenare, njoftimin e anëtarëve të Kuvendit me anë të mjeteve të komunikimit elektronik, si dhe përgatitjen e dokumentacionit parlamentar që do të shqyrtohet.

Ky urdhër hyn në fuqi menjëherë.