Reperi Fero, i akuzuar për dhunë në familje dhe i lënë në paraburgim për 30 ditë, ka reaguar përmes një shkrimi në rrjete sociale, duke paralajmëruar se çështja me partneren e tij Arbenita Ismajlin do shkojë deri në gjyq.
“Drejtësia është thikë me dy teha, varet prej cilit kënd e drejton?!. E sa i përket Ninës mos u viktimizo përmes saj, se e gjithë bota e di se për të mami im është kujdesur. Unë jam munduar me qenë i kulturuar dhe t’kam leju me u marr me karrierë, por ti lirinë dhe durimin tim e keqpërdore deri në maksimum.
E tani pasi e ke siellë punën deri në nivel gjyqësor tani të presim si po vendosë drejtësia. Unë para Zotit edhe vetes jam i drejtë. Kurdo të dalë e vërteta del në shesh. I drejti zhytet, por nuk mbytet.
Për mua, kjo është edhe një sprovë jetësore dhe do me kalisë më fort për jetën. Shihemi në gjyq”– shkruan Fero.
Ky reagim vjen pas deklaratës së Arbenitës e cila shkroi sot: “Ju faleminderit për kujdesin dhe mbështetjen. Unë dhe Nina jemi mirë. Unë besoj në drejtësi”.
