Partizani do të luajë ndeshjen e kthimit me BATE Borisov, të martën e ardhshme në orën 18:30 në Hungari.
Të kuqtë u ndalën në një barazim 1-1 në ‘Air Albania’ por duhet theksuar një dominim absolut në lojë nga djemtë e Zoran Zekic.
Në sfidën e kthimit qëllimi është kualifikimi për të mos ngelur peng në ato rastet e humbura në ndeshjen e parë.
Këtë sfidë UEFA e ka vlerësuar siç duhet teksa ka emëruar një gjyqtar të njohur dhe me eksperiencë të mirë ndërkombëtare.
Skocezi Kevin Clancy do të jetë gjyqtari kryesor i sfidës ndërsa asistentë të tij janë bashkëkombasit David McGeachie dhe Jonathan Bell.
I katërt është David Munro.
Clancy ka një CV impresionuese teksa në karrierë ka gjykuar skuadra si Bayern Munchen dhe Barcelona në Champions League përballë Crvena Zvezdas ndërsa ka arbitruar një herë edhe Shkëndijën ndaj Valmeiras në Europë.
