Ndërsa temepraturat shënojnë rritje rekord, dhe i nxehti afrikan ka pushtuar vendin, banorët e fshatit Zhamë e Sektor, buzë autostradës Lushnjë-Tiranë vuajnë për ujë të pijshëm.
Është mesi i korrikut dhe këta banorët detyrohen të blejnë ujin pasi kanë vetëm një orë ujë në ditë në banesën e tyre.
Banorët shprehen të shqetësuar, teksa tregojnë se dhe ai ujë që vjen vetëm 1 orë në ditë konsumohet për shkak se tubacionet janë të vjetra dhe të dëmtuara dhe kalojnë nëpër ujërat e zeza, duke shkaktuar ndotjen e ujit të pijshëm.
Ndonëse kërkesat kanë qënë të përsëritura pranë bashkisë së Lushnjës, për fat të keq situata nuk ka ndryshuar prej vitesh.
