Zbulohen SMS-të private në Facebook mes vajzës së arrestuar sot në Tiranë për djegien e katër automjeteve nën pronësi të babait të ish-të dashurit të saj.
Nga SMS-të e publikuara nga “Panorama”, tregojnë se ngjarja ka tjetër rrjedhë nga çfarë është paraqitur deri më parë.
Deri më tani, është thënë se vajza, Desara Mancollari i dogji automjetet e V. Papajanit në shenjë hakmarrjeje pasi ai kishte vendosur t’i jepte fund lidhjes.
Mirëpo, nga SMS-të, del një histori tjetër.
Sipas tyre, duket qartë se Filip Qose Papajani i lutet vajzës që të mos e ndërpresë lidhjen e me të.
Në këtë mënyrë, del se ishte vajza ajo që i dha fund lidhjes me djalin dhe jo ai.
Një familjar i vajzës, i cili nuk preferon të identifikohet, thotë se vajza është kërcënuar vazhdimisht nga djali dhe familjarët e tij.
Personi në fjalë tregon se ka qenë Desara që i ka dhënë fund lidhjes në kohën kur i riu ishte duke kryer shërbimin ushtarak në Greqi për shkak të dyshtetësisë.
Por me kthimin e tij, sipas të afërmit, nisën edhe konfliktet që e shtynë vajzën që të kryente veprimin për të cilin është arrestuar.
Po nga i njëjti burim bëhet me dije se vajza arriti ta nxjerrë nga jeta e saj kur i dashuri iku për të kryer shërbimin ushtarak në Greqi.
Ndërsa, burimi bën me dije se babai i të dashurit e ka kërcënuar dhe mbajtur kundër dëshirës Desarën.
Madje, burimi bën me dije, se ndaj saj është përdorur edhe dhunë.
