Christian Pulisic është lojtari më i ri i Milanit. Lajmi është bërë i ditur nga vetë klubi kuqezi përmes një postimi në faqen zyrtare, ku i uron mirëseradhjen lojtarit amerikan.
Pulicic, i cili vjen nga Chelsea, ka nënshkruar një kontratë deri në vitin 2027 me Milanin, me opsion për të qëndruar deri në vitin 2028.
“AC Milan ka kënaqësinë të njoftojë se ka blerë futbollistin Christian Mate Pulisic nga Chelsea. Futbollisti amerikan ka nënshkruar një kontratë me klubin kuqezi deri më 30 qershor 2027, me të drejtën e një opsioni në favor të klubit për një zgjatje deri më 30 qershor 2028”.
Mesfushori amerikan do të mbajë veshur fanellën me numër 11-të te Milan.
