Një ngjarje e rëndë ka ndodhur në Nepal. Një helikopter është rrëzuar, dhe si pasojë kanë humbur jetën 6 persona që ishin në bord.
Ekipet e shpëtimit kanë gjetur pesë trupa dhe janë ende në kërkim të gjashtit, tha Teknath Sitoula, zyrtar i aeroportit.
Pesë shtetas meksikanë dhe një pilot nepalez ishin në helikopterin që u rrëzua.
Aksidentet ajrore janë të zakonshme në Nepal, ku shumë linja ajrore fluturojnë drejt aeroporteve të vegjël në kodra dhe male të largëta, të mbuluara me re dhe të shkëputura nga rrugët.
Në janar të këtij viti, 71 njerëz vdiqën në aksidentin më të rëndë ajror në vend në tridhjetë vjet, kur një aeroplan u rrëzua pranë qytetit turistik të Pokhara.
