Lucciano Spalleti i dha besim të plotë sulmuesit Victor Osimhen në sezonin që kaloi, me futbollistin që e shpërbleu në mënyrën më të mirë të mundshme, duke ndihmuar skuadrën në fitimin e titullit.
Edhe pse trajneri Spalleti është larguar nga pankina e Napolit, vetë tekniku nuk heziton të flasë për Osimhen, duke e vlerësuar si një futbollist që kushton më shumë se 200 milionë euro.
“Vendosa të pushoj për t’iu përkushtuar më shumë familjes. Kjo zgjedhje ndikoi që të merrja vendimin e pakënaqshëm për t’u larguar nga një skuadër e fortë si Napoli. Dhe nga një ambient i dashuruar pas futbollit. Klubi ka bërë një punë të shkëlqyer. Unë kam vetëm një këshillë për ta: lëreni Garcian të punojë në paqe. Për të mirën e Napolit. Pasi francezi ka një eksperiencë të madhe. Osimhen? Ndoshta 200 milionë euro janë pak. Nuk mjaftojnë për të siguruar blerjen e një futbollisti të tillë” – tha ai.
