Ish-ministri i Brendshëm, Aldo Bumçi, ka komentuar mbrëmjen e sotme kërkesën e SPAK për arrestimin e ish-zv.kryeministri Arben Ahmetaj dhe shkarkimin e ministrit Bledi Çuçi pas videos të dhunës në Krujë, ku tha se në këto ngjarje lidhja të çon tek kryeministri Edi Rama i cili e ka vetë sistemin.
I ftuar në emisionin ‘Log’, Bumçi u shpreh se edhe pse pak vite më parë u arrestua ministri më i fuqishëm Saimir Tahiri për shpërdorim detyre, situata në vend nuk ndryshoi përkundrazi u rrit krimi, dhe se të gjithë mandatet e zyrtarëve të burgosur i ka kryeministri Rama.
Bumçi: “Mungesën e frikës ia ka dhënë Edi Rama, a kishim zgjedhje po çfarë fushate bëri ai në atë zonë. Si mund të ketë pasur zgjedhje të lira me atë arrogancë, dhunë pasi pamë atë video. A e shikoni çfarë ka ndodhur në lagjet e vendit, ja çfarë ka ndodh. Nëse Bledi Çuçi u largua për rastin se policia nuk ndërhyri a kemi ne akuzë nga një oficer policie se atij i është bërë presion.
Pyetje: Pse i lëshoi Arben Ahmetaj dhe Saimir Tahirin?
Bumçi: Çështja për Tahirin nisi në Itali, reagimi ishte mbrojtja por fakti më i rëndësishëm është sistemi që ka ngritur Rama. Ministri më i fuqishëm për 5 vite ishte Tahiri, çfarë ka ndodhur në këto vite. Në këto 6 vite sipas DASH ne nuk jemi vetëm për kanabis por portë hyrëse për kokainë, jemi bazë e krimit. Nëse goditet një ministër i brendshëm duhet të ulet trafiku i drogës, kjo tregon se sistemi është Edi Rama. Si mund të goditet ministri dhe të rritet krimi, gjithçka ndryshon por vetëm një gjë jo. Mandatet e të gjithë ministrave të arrestuar i ka Edi Rama.
