Një aksident me vdekje ka ndodhur këtë të hënë në aksin Lezhë-Shkodër, pranë fshatit Balladre.
Një fugon është përplasur me një motoçikletë, e drejtuar nga 78-vjeçari Mark Luca. Si pasojë e përplasjes, ky i fundit ka humbur jetën.
Një hetim ka nisur për zbardhjen e ngjarjes.
“Rreth orës 11:50, në aksin rrugor Shkodër-Lezhë, në vendin e quajtur “Kryqëzimi i Balldrenit”, janë përplasur furgoni me drejtues Agim Subashin me një motoçikletë të drejtuar nga Mark Luca. Si pasojë, është dëmtuar drejtuesi i motoçikletës i cili është dërguar në spital për ndihmën e nevojshme mjekësore, por ka humbur jetën. Grupi hetimor në vendin e ngjarjes vazhdon veprimet hetimore për zbardhjen e plotë të rrethanave të aksidentit”, tha Policia e Lezhës në një njoftim për mediat.
