Një 46-vjeçare me inicialet V.K. është konstatuar në bulevardin “Nënë Tereza”, së bashku me dy fëmijët e saj të mitur, të cilët i kishte nxjerrë për të lypur. Ajo do të procedohet penalisht për veprën penale “Keqtrajtimi i të miturit”.
“Shërbimet e Komisariatit të Policisë Nr. 1, në zbatim të planit të masave të përbashkët me Bashkinë Tiranë, për parandalimin e rasteve të fëmijëve në situatë rruge, të cilët shfrytëzohen për të lypur, kanë vijuar kontrollet në zona të ndryshme të Tiranës dhe kanë evidentuar një rast të kësaj paligjshmërie.
Në vijim të veprimeve u referuan materialet në Prokurorinë pranë Gjykatës së Shkallës së Parë të Juridiksionit të Përgjithshëm Tiranë, për shtetasen V. K., 46 vjeçe, për veprën penale “Keqtrajtimi i të miturit”-thuhet në njoftimin e policisë.
Materialet i kaluan Prokurorisë për veprime të mëtejshme.
