Vijon eksodi i largimeve nga Kukësi teksa deri tani kanë dhënë lamtumirën plot 15 lojtarë. Jo vetëm largime, por verilindorët po tregohen ‘bujar’ duke dhënë në huazim për Europën disa nga lojtarët e tyre.
Portieri Angelos Tafas dhe sulmuesi Atdhe Rashiti u huazuan te Gjilani, me këta të fundit që do të luajnë në Conference League.
Ekipi kosovar nuk mjaftohet me kaq teksa pritet të marrë përsëri hua nga kuksianët. Kësaj rradhe në repartin defansiv me mbrojtësin Franko Lamçe që do të bëhet ‘gjilanas’ në këtë aventurë europiane. 24-vjeçari do të vihet nën urdhërat e trajnerit Klodian Duro dhe do t’i bashkohet dy shokëve të tjerë te Kukësi.
Kukësi ka dështuar për herë të tretë rradhazi të kualifikohet në kupat europiane dhe drejtuesit shpresojnë për një paraqitje pozitive të lojtarëve të tyre për të zgjuar ndonjë interest ë mundshëm të ekipeve të huaja.
