Viktima e atentatit të mesnatës së kaluar në fshatin Larushkë të Fushë Krujës, 29-vjeçari Ramazan Sino prej vitesh punonte si shofer pranë Prokurorisë së Apelit në Tiranë.
Burime bëjnë me dije se Sino shërbente si shoferi personal i prokurorit Genti Xholi, i cili më parë ka drejtuar këtë prokurori. Ai punonte për një pagë prej 357 mijë lekë. Ndërsa tashmë nuk përjashtohet dhe aktiviteti i tij në këtë prokurori.
Ramaza Sino bshtë kunati i Gentjan Bejtas, i cili dyshohet se ishte dhe shënjestra e atentatit të djeshëm, edhe pse në momentin e krimit nuk ka qenë në banesë. Gentjan Bejtja dyshohet se dy ditë më parë ka qenë në shtëpi dhe se mund të ketë qenë në automjet me viktimën mbrëmjen e djeshme, por ka zbritur më parë.
Gentjan Bejtja është personazh i njohur i botës së krimit, i cili iu ka shpëtuar dhe dy atentateve të mëparshme, teksa i ka dalë emri si i përfshirë dhe në shumë ngjarje kriminale.
