Një rast i paprecedentë ka ndodhur gjatë një fluturimi nga Turqia në Skoci, ku një pasagjer i dehur ka tentuar të hapë derën e avionit.
Si pasojë avioni është detyruar të bëjë ulje emergjente në Bullgari. “Pasi panë se çfarë po bënte, pasagjerët iu afruan dhe u përpoqën ta ndalonin dhe lajmëruan ekuipazhin. Policia në Sofje më pas hipi në avion dhe e arrestoi atë,- raportojnë mediat e huaja.
“Ne dëshirojmë t’u kërkojmë falje të gjithë klientëve të prekur për shqetësimin e shkaktuar. Si një linjë ajrore miqësore me familjen, ne kemi zero tolerancë ndaj sjelljeve të tilla të pasagjerëve dhe shëndeti, rehatia dhe mirëqenia e të gjithëve do të jenë gjithmonë prioriteti ynë i pare”,- u shpreh një zëdhënës I kompanisë së fluturimit.
Burimi: DailyMail
