UNESCO do të bëjë sërish pjesë të sajën SHBA-të, pas 5 vitesh e larguar nga koha e administratës Trump.
Ish-presidenti Donald Trump njoftoi në vitin 2017 se po tërhiqte Shtetet e Bashkuara nga UNESCO, duke e akuzuar organizatën për paragjykim ndaj Izraelit. Vendimi ka hyrë në fuqi në vitin 2018.
Bordi drejtues i UNESCO-s votoi 132-10 të premten për të pranuar propozimin e SHBA për t’iu bashkuar agjencisë me bazë në Paris.
Përveç Rusisë, Koresë së Veriut dhe palestinezëve, ata që votuan kundër ripranimit të SHBA ishin Bjellorusia, Kina, Eritrea, Indonezia, Irani, Nikaragua dhe Siria.
Izraeli ka akuzuar prej kohësh Kombet e Bashkuara për paragjykime anti-izraelite. Në vitin 2012, për shkak të kundërshtimeve izraelite, shteti i Palestinës u njoh si shtet vëzhgues jo-anëtar nga Asambleja e Përgjithshme.
Shtetet e Bashkuara më parë u tërhoqën nga UNESCO nën Presidentin republikan Ronald Reagan në 1984, sepse e shihte agjencinë si të keq-menaxhuar, të korruptuar dhe të përdorur për të çuar përpara interesat sovjetike. Ajo u ribashkua në vitin 2003 gjatë presidencës së George W Bush.
