Danilo D’Ambrosio ka ndarë rrugët me Interin pas shumë sezonesh.
Mbrojtësi i njohur anësor do të ndërrojë mjedis, pas dhjetë sezonesh në Milano. D’Ambrosio luajti 15 ndeshje në sezonin që lamë pas, por pa mundur dot të kthehet në protagonist.
Italiani dha lajmin e largimit nga skuadra, me një postim në rrjetet sociale.
“Një aventurë emocionuese për mua dhe familjen time dhe jam i sigurt se do të jetë një pjesë e jetës tonë që do ta mbajmë me vete gjithnjë në zemrat tona. Faleminderit të gjithëve atyre që më kanë mbështetur dhe më kanë vlerësuar mua, për ata që kanë ndryshuar mendim dhe ata që s’e kanë bërë… sepse të gjithë ju keni kontribuar në rritjen time profesionale dhe më keni bërë një njeri të balancuar. ‘Milano jemi vetëm ne… dhe e di që një ditë unë do të marrë djalin tim në stadium dhe do i them…’. Ju përqafoj fort, Danilo”, – Shkruajti ai.
