Një person është arrestuar për drogë në Fier.
Policia njoftoi se ai është arrestuar teksa vadiste disa rrënjë hashashi të mbjella mes vreshtave me rrush.
“Në vijim të kontrolleve antikanabis, në të gjithë territorin e qarkut Fier, në fshatin Sheq-Marinas, shërbimet e Komisariatit të Policisë Fier, bazuar edhe në inteligjencën informative se një shtetas kultivonte kanabis, kanë gjetur shtetasin E.T., në tokën e tij të mbjellë me hardhi rrushi, duke vaditur bimët narkotike cannabis sativa. 30 bimët e dyshuara narkotike cannabis sativa u asgjësuan nëpërmjet djegies. Në përfundim të vprimeve procedurale, specialistët për Hetimin e Krimeve të Komisariatit të Policisë Fier bënë arrestimin në flagrancë të shtetasit E. T., 37 vjeç, banues në Sheq-Marinas, Fier, për veprën penale ‘Kultivimi i bimëve narkotike’”, njoftoi policia.
