Një 52 vjeçar ka humbur jetën pasi e mori rrjedha e ujit në kanalin vaditës Koshorisht-Zgosht.
Viktima, Bashkim Mustafa Lala, 52 vjeç nga fshati Letëm i Njësisë Administrative Lunik, ishte roje këtij kanali vaditës.
“Pasditen e djeshme, në fshatin Letëm, Librazhd, dyshohet se aksidentalisht, për shkak të prurjeve të larta, rrjedha e ujit në kanalin vaditës Koshorisht-Zgosht, ka marrë shtetasin Sh. L., 52 vjeç, banues në fshatin Letëm, Librazhd (roja e këtij kanali vaditës), i cili si pasojë ka humbur jetën”, njoftoi policia.
Grupi hetimor vijon punën për dokumentimin e plotë ligjor të kësaj ngjarjeje, shtuan të njëjtat burime.
