Kandidati i Koalicionit “Bashkë Fitojmë”, për Bashkinë e Kuçovës në zgjedhjet e 14 Majit, Lefter Maliqi ka denoncuar ditën e sotme gjendjen e mjerueshme të rrugëve në lagjet e Kuçovës.
Përmes një postimi në rrjete sociale, Maliqi ka publikuar një video të rrugës Gegë-Drizë, ku duket se rruga është thuae pakalueshme.
“Si në mesjetë”, shkruan Maliqi, krahas videos ku duket qartazi se rruga është lënë në harresë prej vitesh.
Postimi i plotë:
Si në Mesjetë! Skandal! Rruga Gegë-Drizë, ku kalojnë, nxënësit e shkollës dhe banorët në Verë, e pakalueshme. Imagjinoni në Dimër!?
Stop shit-blerjes dhe manipulimit të votës! Stop abuzimeve me taksat tuaja!
Stop tenderave korruptivë!
Stop pengmarrjes së Hajdarit nga oligarku Salillari!
Së bashku do shtrojmë çdo rrugë asfalt dhe çdo investim për të mirën e banorëve në Gegë-Drizës dhe kudo në Bashkinë Kuçovë.
Mirënjohje banorëve të Gegë-Drizës për fitoren dhe votë-besimin! Mbetem i motivuar për të mbajtur çdo premtim dhe sa më shpejt. Bashkia Kuçovë do ju kthehet banorëve! Kuçova “Kantier Ndërtimi”!
