Java e fundit e qershorit pritet të mbyllet me temperatura pak mbi normalet. Hakil Osmani nga Meteoalb, i pyetur se si do të mbyllet qershori me temperaturat, tha se deri në datë 30, moti do të ketë kthjellime dhe vranësira të shpeshta, por reshje të pakta gjatë pasditeve dhe vetëm në zona te izoluara. Temperaturat, minimumi në rang vendi do të qëndrojnë në 13°C ndërsa maksimumi do të ngjitet deri në 34°C.
“Vijojnë reshjet e pakta dhe afatshkurtra edhe pasdite, kryesisht në zonat lindore. Ndërsa nga e hëna deri të premten më datë 30 qershor, moti do të ketë kthjellime dhe vranësira të shpeshta, por reshje të pakta gjatë pasditeve dhe vetëm në zona te izoluara.
Temperaturat sot kanë shënuar nga 13 në 32°C, ndërsa priten luhatje krejt të lehta për javën që vjen. Minimumi në rang vendi do të qëndrojë në 13°C ndërsa maksimumi do të ngjitet deri në 34°C.
Edhe vendet fqinje paraqesin të njëjtën tablo sinoptike me reshje të pakta. Po ashtu temperaturat do të pësojnë një rritje të lehtë dhe graduale ku në Kosovë maksimalja do të jetë 30°C, ndërsa Maqedonia e Veriut dhe Malin e Zi maksimumi do të luhatet në 32-33°C”, tha Hakil Osmani.
