Nisja e marshimit të Wagner drejt Moskës ka vënë në alarm Kievin. Madje edhe presidenti Vladimir Putin ka dalë në deklaratë televizive duke kërkuar nga populli unitet.
Duke i cilësuar veprimet e kryengritësve si thike pas shpine dhe tradhti paralajmëroi ndëshkime te renda për ata që përpiqen të përçajnë shoqërinë ruse. Putin tha se do të merren masa vendimtare për të stabilizuar situatën ne qytetin jugor të Rostov-on-Don, ku Prigozhin pretendon se ka marrë kontrollin e të gjitha objekteve ushtarake.
Presidenti rus gjate fjalimit te tij e shmangu emrin e shefit te grupit Wagner, Yevgeny Prigozhin, ndërsa përgëzoi mercenaret qe luftojnë për vendin duke shtuar se disa prej tyre janë mashtruar. Po ashtu ai e krahasoi situatën me luftën e parë botërore, kur shtoi se edhe në vitin 1917 kur rusët, siç tha ai, po vrisnin rusët.
Në deklaratë ai shtoi se tashmë janë dhënë urdhrat e duhur si dhe ka nisur puna për të ndaluar përparimin e forcave paraushtarake. Nga ana tjetër gjeneralët e Putin kanë shtuar se do të vazhdojë edhe përballja në rajonet brenda kufirit të Ukrainës.
Pas tërheqjes së forcave të Wagner duket se edhe Kievi do të ketë një mundësi më të madhe për të përparuar me kundërofensivën.
