E gjithë bota po flet për zhdukjen e nëndetëses “Titan” të dielën e kaluar në Oqeanin Atlantik, 435 milje në jug të Newfoundland, Kanada, gjatë një zhytjeje ekspedite për të parë rrënojat e Titanikut.
Pesë persona ndodheshin në bord, teksa trupat e tyre ende nuk janë gjetur, më konkretisht: miliarderi britanik Hamish Harding, biznesmeni britanik Shahzada Dawood, djali i tij Suleman Dawood, shefi ekzekutiv dhe themeluesi i OceanGate me bazë në SHBA, Stockton Rush, dhe piloti francez i zhytësve Paul-Henri Nargeolet.
Por, ndoshta askush nuk e kishte vënë re deri më sot një detaj misterioz. Tek nëndetësja “Titan”, siç shihet dhe në fotot e mëposhtme, krahas flamurit amerikan ndodhet dhe ai shqiptar.
Por, pse ndodhet flamuri kuqezi tek nëndetësja “Titan”? Kjo është një pikëpyetje të cilën e ka ngritur edhe gazetari,Blendi Fevziu me anë të një story në rrjetin social instagram.
“Ç’kërkon flamuri shqiptar i stampuar mbi nëndetësen që u mbyt pranë Titanikut?” – është pyetja që ngre Fevziu. Ndoshta, arsyen s’do ta zbulojmë kurrë.
